De Vastelaovend sjteit veur de deur en veer wille det dit jaor natuurlik auch weer viere! HCP, Oranje Blauw '15 en VC Voluntas hubbe zich weer biejein gepakt om same ein oergezellig, sjpetterend en knallend vastelaovendbal te organisere.
Deze aovend vindj volges jaorelange tradisie plaats op:
Vriedig 9 fibberwari in ut KA hoes
en zal beginne om 19.11 oer en doere toet 22.11 oer.
De Feesnaeskes, mit Prins Daan en Prinses Emmy, zeen de ganse aovend dao om mit os mit te sjpringe.
Ut prinsepaar van dit jaor is daonaeve auch sjportief good bezig: Prins Daan is keeper biej ut voetballe en prinses Emmy handjbalt in de D1 van HCP. De Dorsjvlaegels, onger leiding van Prins Pedro en zien prinses Merlin, komme in verbandj mit ein druk program effe aan ut begin van de aovend mit os mitviere.
Inkele regels:
Ut fees vindj binne plaats; dus jidderein blieft gezellig binne en veer gaon neet oppe sjtraot hange.
Om alcohol te moge drinke, mosse 18 jaor of aajer zeen: bring dien ID dus mit als se ein pilske wils drinke.
Dus kom allemaol om d’r same eine sjoone aovend van te make !!!! En num gerus ein vriendje of vriendinnetje mit.
De Activiteitencommissies van HCP, Oranje Blauw '15 en VC. Voluntas.